Hijaunya Meratus
Umaa, ulun rasa sanang malihat pagunungan Meratus kita nang masih hijau ni, rasa nyaman banar dilihat atawa dipandang mata, mana udaranya nyaman banar, banyunya barasih ha pulang. nyaman ti pang hudah, rasa kada kawa dikisah lagi hudah kaya apa ka indahannya.
Gambar nang di atas ni di kudak waktu ulun lawan buhan kawanan bajalanan ka Loksado, nang tapatnya barada di kabupaten Hulu Sungai Selatan. Dilihati higa mahiga masih mahijau. pupuhunan tumbuh subur, burung-burung rami banar banyanyian manyambut urang-urang datang bakunjung.
Mudahan pagunungan Meratus ni jangan di bariakan di tambang atawa lawan alasan napakah nang bisa marusak pagunungan Meratus.rasa kada rela mun nya Meratus di rusak, kaina kada ada lagi pupuhunan nang mahijau tumbuh subur, sungai nang banyunya barasih, wan banyak banar lagi kaindahan nang ada di pagunungan Meratus kita ni. mari ai kita barangkul tangan dangsanak ai, sama-sama kita baprinsip "Kita jaga, rawat, wan partahankan hijaunya Meratus"
Category Article Umum